Kryetari i Mamushës dyshon se banorët u infektuan gjatë blerjeve për festën e Bajramit

08:56 | 10 Qershor 2020
Arbresh Info

Në Komunën e Mamushës mbreme është paraqitur rasti i dytë me koronavirus.

Kryetari Abdulhadi Krasniqi thotë se dy rastet janë të ndara dhe nuk lidhen me njëra tjetrën.“Dyshimet tona lidhen me blerjet që këta persona kanë bërë për Festën e Bajramit jashtë komunës sonë”, tha ai për RTV Dukagjinin

Kryetari i Mamushës thotë se janë venë menjëherë në kërkim të kontakteve të personave të infektuar në mënyrë që të ndalohet përhapja e mëtejme e virusit.

Duke folur për pacientët e prekur nga kjo komunë, Krasniqi thotë se njëri i prekur është një grua që nuk është e punësuar ndërsa për pacientin tjetër thotë se rasti është më shqetësues pasi i njëjti ka pasur një lokal të vogël familjarë dhe mund të ketë pasur kontakte me persona tjerë.

 

 

Shpërndaje në rrjete sociale

Lajmet më të lexuara

Të ngjashme

Foto lajm